影片
更多
2021-01-19
736 浏览
朋友話想試吉列牛好耐，所以趁前日係星期日，就拉埋我一齊黎食呢間啦。我地思前想後，都係覺得叫呢個$246 吉列牛定食+咖哩忌廉烏冬+2杯汽水嘅set最抵，可以一次過試曬餐廳嘅兩款招牌，所以就揀左呢個啦。🥩吉列牛定食吉列牛定食有麵豉湯、芝麻醬車厘茄、芝麻醬豆腐、白飯同埋吉列牛。吉列牛上有脆脆嘅炸皮，牛肉本身仲未熟，要自己喺熱板上燒熟，食起上嚟，別有一番風味。牛肉好重牛肉味同好多肉汁，好好食。🍜咖哩忌廉烏冬（小辣）烏冬上有大量輕身嘅忌廉喺上面，首先要將烏冬同忌廉撈埋，烏冬同咖哩嘅味道冇俾忌廉搶咗個味道，反而忌廉提升咗烏冬食落嘅口感，成個烏冬食落就好滑啦。個烏冬都有得揀要牛肉定係雞肉，我哋就揀咗牛肉，烏冬入面就有好多牛肉粒、菇同埋洋蔥嘅，啲牛肉粒都好有牛味，好食。🐄蒜片牛舌芯 $58因為朋友想食牛舌，所以又叫多咗個小食。牛舌芯四四方方嘅一片，有五片，厚薄適中，配埋蒜片一齊食，幾惹味。🍵韓國蜂蜜紅棗茶 +$8跟餐加$8可以轉飲呢個，有熱有凍，我就揀咗熱。紅棗味濃，甜度適中，幾好。🍹Citrus Ocean +$18跟餐加$18轉飲。Citrus Ocean 其實係一杯梳打水嘅飲料，佢將梳打水、柚
🥩吉列牛定食
吉列牛定食有麵豉湯、芝麻醬車厘茄、芝麻醬豆腐、白飯同埋吉列牛。吉列牛上有脆脆嘅炸皮，牛肉本身仲未熟，要自己喺熱板上燒熟，食起上嚟，別有一番風味。牛肉好重牛肉味同好多肉汁，好好食。
🍜咖哩忌廉烏冬（小辣）
烏冬上有大量輕身嘅忌廉喺上面，首先要將烏冬同忌廉撈埋，烏冬同咖哩嘅味道冇俾忌廉搶咗個味道，反而忌廉提升咗烏冬食落嘅口感，成個烏冬食落就好滑啦。個烏冬都有得揀要牛肉定係雞肉，我哋就揀咗牛肉，烏冬入面就有好多牛肉粒、菇同埋洋蔥嘅，啲牛肉粒都好有牛味，好食。
🐄蒜片牛舌芯 $58
因為朋友想食牛舌，所以又叫多咗個小食。牛舌芯四四方方嘅一片，有五片，厚薄適中，配埋蒜片一齊食，幾惹味。
🍵韓國蜂蜜紅棗茶 +$8
跟餐加$8可以轉飲呢個，有熱有凍，我就揀咗熱。紅棗味濃，甜度適中，幾好。
🍹Citrus Ocean +$18
跟餐加$18轉飲。Citrus Ocean 其實係一杯梳打水嘅飲料，佢將梳打水、柚子蜜、檸檬、薄荷葉整成一杯飲品，外觀好靚，好啱用嚟打卡。
呢餐食得幾滿足，每人百幾蚊都OK嘅。
张贴
