當文歷餅店 by Dominique Ansel (已結業)

今日去一家甜品店吃午餐。店子裝修別緻又時尚，粉橘色與海藍包的椅子，配上半拱形燈飾牆壁，帶一點溫馨又浪漫的氣氛。午餐有兩款選擇，分別是吉列滑蛋三文治或蘿蔔糕英式鬆餅配炒蛋，包括飲品一杯。今日我試吓吉列滑蛋三文治餐$118雖然這吉列滑蛋三文治份量唔多，賣相精緻小巧，但味道的確不錯。麵包烘得又香又脆，而吉列滑旦炸得外脆內軟，熱呼呼的，而且滑旦有如燉旦的固體版，又有濃厚雞旦味，又帶點彈性又香滑細密，一脆一軟，加上麵包的沙律汁，好吃！認真滋味！Mocha這mocha 堅係正！我點左少甜，但mocha 口感十分香滑，有著濃郁的朱古力味，是黑朱古力的甘香醇厚味道，沒有一般朱古力的甜膩，而且咖啡味淡香，是一杯很合意的飲品。靜靜的一個人吃三文治，呷一口咖啡，看看書，享受一下寧靜的時光，真不錯。