滿屋日本料理 (大鴻輝(荃灣)中心) (已結業)

一直都好想試滿屋放題。今日終於試左。呢個價錢黎講都算合理，刺身新鮮，劍魚腩，油甘魚，帶子，松葉蟹棒係首選，如果有埋北寄貝就更好，今次荃灣呢間唔知點解無。壽司款式夠多，甚至有幾多特色手卷，壽司卷之類，但略為差啲既係每舊都比較多飯，迷你鍋都好多款，不過實在食唔到咁多嘢，有叫到一個迷你泰式海鮮冬陰公試下，都幾好食，件蟹好多肉。飲品同甜品款式都好多，完全係大量供應，好仲意呢度有熱既鴻福堂竹蔗茅根水支裝。最尾炸嘢有炸芋泥，榴連炸彈都好正，芝士年糕一般。