影片
更多
2021-09-17
189 浏览
古琴雅苑 (太子集團中心) (尖沙咀).強烈建議大家過嚟食一定要預先book定位，因為成餐飯佢舖頭個電話真係響個不停，而且好彩我哋早食，一食完就發現好多客人喺度排隊等緊！茶又係值得一讚，佢除咗有一般普洱香片，仲有一個叫桂花烏龍，烏龍茶散發着桂花香，好好飲，我哋四個都大贊呢度嘅茶係加分！.▪️古琴酒糟烤北京填鴨▪️.半隻北京田鴨四個人食其實已經非常之夠，當然佢仲會包埋包鴨嘅卷餅同埋各項醬汁配料，當中配料有平時食開嘅蔥，青瓜，再搞搞新意思落咗哈密瓜，中和片皮鴨本身嘅油膩感醬汁方便除咗平時食開嘅甜醬仲有酸甜醬同埋砂糖，可以自行調配.▪️蟹粉豆苗▪️.現時接近十月，正直大閘蟹旺季，呢到都有名為<金秋蟹逅>，個名真係好有意境，諗住未試過豆苗加蟹粉，但可惜太鹹，豆苗落重咗手鹽(´；ω；｀).▪️蔥油海蜇伴黃瓜▪.好香嘅涼拌小食，葱油夠香，海蜇爽口，黃瓜清新！.▪️松花皮蛋伴豆腐▪.皮蛋豆腐又係一個絕妙嘅配搭，上面有葱粒，菜莆粒以及紅椒粒，很不錯！.▪️椒鹽黃魚▪.又係一道只會外出先食嘅餸菜，小黃花魚炸得好透，鬆脆但入面魚肉好滑，炸得香透到連幼小一點的魚骨都可以食落肚.▪️南翔小籠包▪️.呢個小籠包都
.
強烈建議大家過嚟食一定要預先book定位，因為成餐飯佢舖頭個電話真係響個不停，而且好彩我哋早食，一食完就發現好多客人喺度排隊等緊！
茶又係值得一讚，佢除咗有一般普洱香片，仲有一個叫桂花烏龍，烏龍茶散發着桂花香，好好飲，我哋四個都大贊呢度嘅茶係加分！
.
▪️古琴酒糟烤北京填鴨▪️
.
半隻北京田鴨四個人食其實已經非常之夠，當然佢仲會包埋包鴨嘅卷餅同埋各項醬汁配料，當中配料有平時食開嘅蔥，青瓜，再搞搞新意思落咗哈密瓜，中和片皮鴨本身嘅油膩感
醬汁方便除咗平時食開嘅甜醬仲有酸甜醬同埋砂糖，可以自行調配
.
▪️蟹粉豆苗▪️
.
現時接近十月，正直大閘蟹旺季，呢到都有名為<金秋蟹逅>，個名真係好有意境，諗住未試過豆苗加蟹粉，但可惜太鹹，豆苗落重咗手鹽(´；ω；｀)
.
▪️蔥油海蜇伴黃瓜▪
.
好香嘅涼拌小食，葱油夠香，海蜇爽口，黃瓜清新！
.
▪️松花皮蛋伴豆腐▪
.
皮蛋豆腐又係一個絕妙嘅配搭，上面有葱粒，菜莆粒以及紅椒粒，很不錯！
.
▪️椒鹽黃魚▪
.
又係一道只會外出先食嘅餸菜，小黃花魚炸得好透，鬆脆但入面魚肉好滑，炸得香透到連幼小一點的魚骨都可以食落肚
.
▪️南翔小籠包▪️
.
呢個小籠包都很不錯，大家都知小籠包嘅精粹就係咬開嘅湯汁，呢到嘅咬開唔會淨係得啲肥油，係真係濃湯味，一籠有六小粒
.
最後媽媽話想食一碗小丸子，就叫咗個桂花湯圓，而湯圓係芝麻餡小湯丸！
.
📌 古琴雅苑 (太子集團中心) (尖沙咀)
尖沙咀北京道12A號太子集團中心15樓
環境：⭐️⭐️⭐️⭐️⭐️
味道：⭐️⭐️⭐️⭐️⭐️
服務：⭐️⭐️⭐️⭐️⭐️
價錢：⭐️⭐️⭐️⭐️⭐️
张贴
