飯意冰室 (已結業)

因為下一場在附近，所以友人約了在這裡食早餐。呢度好多餐廳門口都冇招牌，感覺有少少難搵，呢間餐廳都係入左去先見到餐廳名。餐廳格區相比一般冰室闊落，有空間感，唔會太迫，幾好。餐廳裡面有自助區，俾你自己拎調味料，斟水，甚至外賣盒。早餐基本上一定係揀沙嗲牛麵！呢間既沙嗲牛麵，沙嗲味合格，牛肉唔會太"un"。配既係腸仔煎蛋，蛋略嫌好細塊，而塊多士真係厚既多士（我食過一啲餐廳既厚多士，兩塊加埋感覺都係好薄），所以呢間感覺良好。不得不讚一下杯熱檸茶，平時好多都係兩三塊檸檬，佢俾足五塊，好足料！