Waffle Corner (葵涌廣場) (已結業)

葵廣多好西，手撕雞乜乜乜都有好多間做，競爭相當激烈，今日試下waffle corner手撕雞腸粉($27)，打開蓋先知同想像中唔同😂我以為連腸粉都會手撕到一片片一塊塊咁😂真係諗多左！味道係ok嘅，又夠熱辣辣，份量不少。老實講就係普通港式小食麻醬甜醬腸粉，再加啲有味手撕雞，好難會難食😅只係無乜驚喜無乜特別🌝中規中矩啦。想食豐富版嘅腸粉，一試無防嘅。但唔試亦無損失。下次有機會試下海蜇手撕雞似乎特色啲😋。