影片
更多
2020-07-02
903 浏览
天氣太熱，食刺身丼就啱哂。咁啱響銅鑼灣區，之前響登龍街想去食嗰間又已經結業，又唔想去集團日本菜，咁唯有就咁搜下附近有咩丼食。搵左幾間都覺得唔係幾對路...... 而SUPER-丼 就咁睇食評同啲相都唔錯，就佢啦。成場唔算多位 (計埋吧位都係約三十個) ，細細舖一間，星期六三點幾去到以為會無咁多人啦，點知去到都係啱啱有兩個位，下個入去都都坐吧枱喇。打開餐牌，佢似乎係賣牛丼多啲，不過都有三四個刺身丼揀，最後兩個人都係揀左特上北海道丼。另外仲叫左一客燒牛脷當小食。大約十至十五分鐘就上菜，都幾好,，係成盤出，有沙律(無特別)同麵豉湯(無特別)。個北海道丼就咁睇個分量我都幾滿意，同圖片差唔多。刺身包括有海膽、三文魚籽、吞拿魚腩蓉、油甘魚同帆立貝。海膽都似係日本膽 (味道甜而且得咁少，日本膽成本都貴架，咁應該係啦)，三文魚籽同吞拿魚腩蓉就大路嘅味道，無咩特別，帆立貝應該係比一隻半啦，開邊，有三片。油甘魚雖然得兩片但係好鬼厚，有爽口嘅口感。整體而言我覺得係新鮮又足料嘅。飯量一開始時覺得啱啱好，其實食到最係好飽架。另外嘅燒牛脷一客有三片，幾大塊，開頭諗，佢又唔係專做燒物，對佢都無咩期望。不過除左唔係好
搵左幾間都覺得唔係幾對路...... 而SUPER-丼 就咁睇食評同啲相都唔錯，就佢啦。
成場唔算多位 (計埋吧位都係約三十個) ，細細舖一間，星期六三點幾去到以為會無咁多人啦，點知去到都係啱啱有兩個位，下個入去都都坐吧枱喇。
打開餐牌，佢似乎係賣牛丼多啲，不過都有三四個刺身丼揀，最後兩個人都係揀左特上北海道丼。另外仲叫左一客燒牛脷當小食。
大約十至十五分鐘就上菜，都幾好,，係成盤出，有沙律(無特別)同麵豉湯(無特別)。個北海道丼就咁睇個分量我都幾滿意，同圖片差唔多。刺身包括有海膽、三文魚籽、吞拿魚腩蓉、油甘魚同帆立貝。海膽都似係日本膽 (味道甜而且得咁少，日本膽成本都貴架，咁應該係啦)，三文魚籽同吞拿魚腩蓉就大路嘅味道，無咩特別，帆立貝應該係比一隻半啦，開邊，有三片。油甘魚雖然得兩片但係好鬼厚，有爽口嘅口感。整體而言我覺得係新鮮又足料嘅。飯量一開始時覺得啱啱好，其實食到最係好飽架。
另外嘅燒牛脷一客有三片，幾大塊，開頭諗，佢又唔係專做燒物，對佢都無咩期望。不過除左唔係好夠熱之外，味道都可以，彈牙無筋，如果可以燒到個邊再香口少少，同埋調味再落多少少，咁就仲好啲。
其實我對日本餐係特別挑剔嘅，真係唔好求其比啲比刺身我就話係日本嘢，所以我雖然話佢係合格以上，其實整體黎講係唔錯，亦都值得推介，不過我感覺佢係做牛丼先係主打，所以有機會應該下次要應該要做牛丼先啱。
张贴
