新潮軒 (已結業)

三條友約定在灣仔食飯，有人提議去鵝頸橋街市，但我想到生潮軒，結果二比一既票數，去生潮軒了。商議一番，想好吃什麼了，就點以下幾味。馬友，是凍食的。原來呢味餸可以凍食，大鄉里既我真係第一次試。馬友非常鮮甜美味，即使不點任何醬汁，也一流。問士頭婆點整，佢話係要用好新鮮的馬友(廢話)，放少許鹽，就咁蒸就得。真係好正，要推介俾大家。普寧炸豆腐，又是一道有水準既菜。豆腐炸至外脆而鬆化，也不失豆腐的口感，點些醬汁調一調味，一味簡單的餸菜也可以如此好吃。另一味滷水嘢相對失色，鵝肉肉質比較實，大腸不夠肥美，反而墨魚片幾爽口，我覺得是一般水準吧！等了又等，荷蘭豆炒腊味終於上場。香噴噴的腊味，同埋配襯得宜的色水，未吃已知先不錯。果然，腊味不會油淋淋，卻又不失油香，荷蘭豆幾爽口的，又是不錯。主菜令人滿意，當然要追加甜品，要一盅芋泥。我本身幾鐘意食呢味，這裡的芋泥不會做到"爛pat pat"咁，亦不是過甜，而又保留糊口的口感，合晒我心水。雖然主打的滷水食品不太出色，但其他既餸菜全令我滿意，不得不讚一讚。