影片
更多
2017-09-18
580 浏览
因為要就親戚時間，所以就提早食中秋團年飯，人多多，食放題就啱哂！呢間放題嘅形式就比較特別，係分時段統一入場，所以去到門口，已經見到短短嘅人龍。排隊嘅時候，餐廳職員就會Double confirm個booking ，仲會派埋嘢飲俾客人，感覺好貼心！食放題點可以唔叫刺身呢，當中嘅王牌甜蝦絕對冇令我失望，甜蝦大大隻，蝦身尚算晶瑩，食落都好新鮮；三文魚厚切，食落冇筋；最特別係今次放題仲有季節限定嘅松葉蟹腳，雖然只係同手指公差唔多粗，但食落都冇雪藏味，肉質都幾結實。另外，花之戀同海膽三色花，我都幾鍾意食，細細粒，可以一啖咬晒，唔驚散到周圍都係，海膽份量都算多，又唔係好腥。小表妹就鍾意食呢個北海燒帆立貝，帆立貝都幾大粒，上面用咗啲沙律醬一齊焗，食落酸酸甜甜，都幾開胃，啱晒小朋友食。香辣霸王蟹就好似佢個名咁，咁有霸氣，大大隻蟹鉗，肉質都幾鮮美，食落唔會好散，而且唔算好辣，適合一啲食到少少辣嘅人。呢度仲有提供滋補靚湯，比老一輩飲就最好，今次嘅湯係豬軟骨無花果湯，飲落好清甜，冇味精味。除咗每人可以肯定要一杯Haagen-Dazs或者movenpick雪糕之外，每次放題，我都一定會叫嘅榴槤波波，外面炸到卜
呢間放題嘅形式就比較特別，係分時段統一入場，所以去到門口，已經見到短短嘅人龍。排隊嘅時候，餐廳職員就會Double confirm個booking ，仲會派埋嘢飲俾客人，感覺好貼心！
食放題點可以唔叫刺身呢，當中嘅王牌甜蝦絕對冇令我失望，甜蝦大大隻，蝦身尚算晶瑩，食落都好新鮮；三文魚厚切，食落冇筋；最特別係今次放題仲有季節限定嘅松葉蟹腳，雖然只係同手指公差唔多粗，但食落都冇雪藏味，肉質都幾結實。
另外，花之戀同海膽三色花，我都幾鍾意食，細細粒，可以一啖咬晒，唔驚散到周圍都係，海膽份量都算多，又唔係好腥。
小表妹就鍾意食呢個北海燒帆立貝，帆立貝都幾大粒，上面用咗啲沙律醬一齊焗，食落酸酸甜甜，都幾開胃，啱晒小朋友食。
香辣霸王蟹就好似佢個名咁，咁有霸氣，大大隻蟹鉗，肉質都幾鮮美，食落唔會好散，而且唔算好辣，適合一啲食到少少辣嘅人。
呢度仲有提供滋補靚湯，比老一輩飲就最好，今次嘅湯係豬軟骨無花果湯，飲落好清甜，冇味精味。
除咗每人可以肯定要一杯Haagen-Dazs或者movenpick雪糕之外，每次放題，我都一定會叫嘅榴槤波波，外面炸到卜卜脆，一咬落去就係流心榴槤蓉，榴槤味勁濃郁，超正！
张贴
