合十 (已結業)

難得入觀塘一趟，梗係要揾好野食，原來近近地地鐵站，就揾到間叫「合十」既樓上Cafe，餐廳以日式木系設計，地方寬敞，仲有閃閃星空天幕。中午去有休閑感覺，夜晚又有閃耀燈飾，日與夜兩種格調，一樣咁chill🥂#牛油香草白酒蜆🐚賣相好吸引，滿滿一盤大蜆浸在檸檬牛油中，每隻size都幾大，仲幾夠厚度，口感好好。用上本地鮮蜆，清甜無沙，加上牛油更添香滑。#巴瑪火腿火箭菜薄餅🍕一客4件薄餅，滿滿的芝士加巴瑪火腿，鹹香鬆脆，配埋微苦的火箭菜，提升整體味道，減少單調感。#迷你巨型豬扒包🍔迷你既係漢堡包，巨型既係原塊豬扒，比例上形成強烈對比。豬扒頗有厚度，帶juicy肉汁，肉質稔滑不鞋，夠入味但不蓋過肉的香味，連埋麵飽、蕃茄、生菜一齊食，口感超好。伴碟仲有厚切脆薯條，香脆惹味。飲品點了 #朱古力咖啡☕️，配上精美拉花，香濃綿滑。#綠帽子 🍹是哈蜜瓜汁、菠蘿汁、檸檬汁加梳打水製成的特飲；加上哈密瓜雪糕，清涼解渴。小朋友最欣賞依度既韆鞦，雖然唔係真係可以搖，但坐上去一樣寫意🤩。下午茶時間沒特別限時，環境夠開揚休閑，幾岩一班人聚會，過一個寫意週末最適合不過。