金加利冰室 (已結業)

我係一個初中生,住左係土瓜灣十幾年,細個既時候就已經有偶爾去金加利冰室食羅宋湯粉,今日去返呢到食一次早餐.我食左火腿鮑魚通粉加一杯凍阿華田,通粉既份量都算足(但係隻碟有個缺角...),我就覺得個湯唔係好夠味,至於鮑魚片就唔錯阿華田都好大杯,都係覺得杯野唔夠味,冇乜味...至於環境,冷氣都好大,又有雜誌睇,都唔錯,不過就細左少少,有D迫服務方面就覺得有待改善,D侍應係後面食西瓜傾計都幾大聲...收銀既時候見到個侍應既態度好唔耐煩,我地排隊既時候前面有一個女士俾緊錢,唔知做咩個侍應就好勞氣好不耐煩咁樣係到計條數俾個女士聽,可能個女士唔係好清楚條數點計,個女士同個侍應講'得,你唔洗咁勞氣啦'個侍應又一樣好唔耐煩咁講'我冇勞氣!我把聲就係咁架嘛...'...直到個女士走左,個侍應都係咁吟吟尋尋地講'咩姐,我計條數俾你聽你又@!##',我覺得服務呢方面就可以改善下啦價錢方面我就覺得都唔錯既,都幾抵,因為D野食同野飲既份量都算係好足,但係味道就唔夠...只可以講,各個方面都好一般!希望下次再黎金加利食野既時候可以見到金加利有D改善啦