東海薈 · 拉斐特 (The ONE) (已結業)

一年一度嘅端午節又到喇，唔同嘅餐廳又掀起一場糭嘅鬥爭，而今年我決定試吓東海嘅糭~今年佢哋推出左四款糭，我就試咗其中兩款，拎糭嘅時候，就無啲保溫袋，只係得紙袋，而啲糭係有冷藏過，所以有驚啲水氣會整爛個紙袋，好彩平安番到屋企係個種上面有一張三角形嘅卡仔，上面除咗寫住成份之外，仲有食用方法，嗰度寫住水滾之後，要蒸大概25至30分鐘，但係我屋企有蒸爐，所以我正左20分鐘到姐第一個糭係自家製XO醬火腩糭，蒸完之後可以聞到陣陣嘅糭葉香，慢慢打開個結同葉，就會見到中間嘅糯米糭，一切開就可以發現大半隻金黃色嘅鹹蛋黃、冬菇粒、火藍玉、蓮子、蝦米等，另外加入左瑤柱XO醬，所以可以見到一條條嘅乾瑤柱絲，火腩肉係連埋皮嘅，連帶住微微嘅肥膏，唔會太肥又唔會太瘦，而且因為有XO醬，所以味道帶點辣，刺激胃口之餘，仲令人食到停唔到口另外一款就係藜麥姬松茸糭，呢個一定係素食者之選，因為入邊係無肉嘅，只係有藜麥、冬菇粒、蓮子、姬松茸、綠豆、茶樹菇等食材，每樣食材都非常健康，表面係藜麥配糯米，煙韌仲帶點口感，不過就無咩特別味道，中間嘅冬菇粒、姬松茸同茶樹菇，一啲都唔乾，質感微微爽口，味道雖然無前者濃烈，較為清淡，但係就唔油