影片
更多
2018-11-29
1063 浏览
同朋友買完嘢見肚餓， 就去搵嘢食。見呢間餐廳嘅環境好似幾好，所以就入咗嚟食啦。 間餐廳嘅環境算唔錯，坐得都闊落，而且佢分上下兩層。就咁睇個menu好似好多嘢食， 但睇埋我啲圖你就知你大劑啦。紹興酒糟醉雞& 口水脆皮雞：佢個醉雞既酒味真係好濃好香口， 依個口水脆皮雞真係十分之辣，自問我已經係食得辣嘅人都食到流曬汗。 同埋佢係好少。竹笙花膠瑤柱羹：好多竹笙同埋有幾濃嘅瑤柱味，都幾ok。 而且啱啱食完辣嘅頭盤食番個羹中和下都幾好。高郵鹹蛋蝦球：個碟就夠曬大喇，但係啲菜真係四分一都冇。 個蝦就真係幾新鮮嘅，而且用D鹹蛋加埋一齊去炸過，味就好香濃。鹹蛋味同蝦味都好夾。大紅袍松子黃花魚：食落口嗰啲黃花魚都幾新鮮，但又係得四分之一碟菜。大紅袍黃花魚真係好鬼酸，而且酸得呢有陣味呢好難形容。烤北京填鴨：呢度菜不過不失，同出面嗰啲北京填鴨冇乜分別。上湯茶樹菇蟲草花翡翠苗& 淮揚灌湯小籠包：啲菜一啜攬埋一齊，都唔知食緊啲咩。個小籠包同平時出邊食嘅冇乜分別，冇乜特別嘢可以講。金華火腿雞絲炒飯：呢個炒飯，雖然細細碗，但係可以食到佢啲用料都幾足。火腿同埋嗰啲雞肉都幾多下。 而且啲飯都炒得幾乾身，都幾合格。高力豆沙
就咁睇個menu好似好多嘢食， 但睇埋我啲圖你就知你大劑啦。
紹興酒糟醉雞& 口水脆皮雞：
佢個醉雞既酒味真係好濃好香口， 依個口水脆皮雞真係十分之辣，自問我已經係食得辣嘅人都食到流曬汗。 同埋佢係好少。
竹笙花膠瑤柱羹：
好多竹笙同埋有幾濃嘅瑤柱味，都幾ok。 而且啱啱食完辣嘅頭盤食番個羹中和下都幾好。
高郵鹹蛋蝦球：
個碟就夠曬大喇，但係啲菜真係四分一都冇。 個蝦就真係幾新鮮嘅，而且用D鹹蛋加埋一齊去炸過，味就好香濃。鹹蛋味同蝦味都好夾。
大紅袍松子黃花魚：
食落口嗰啲黃花魚都幾新鮮，但又係得四分之一碟菜。大紅袍黃花魚真係好鬼酸，而且酸得呢有陣味呢好難形容。
烤北京填鴨：
呢度菜不過不失，同出面嗰啲北京填鴨冇乜分別。
上湯茶樹菇蟲草花翡翠苗& 淮揚灌湯小籠包：
啲菜一啜攬埋一齊，都唔知食緊啲咩。個小籠包同平時出邊食嘅冇乜分別，冇乜特別嘢可以講。
金華火腿雞絲炒飯：
呢個炒飯，雖然細細碗，但係可以食到佢啲用料都幾足。火腿同埋嗰啲雞肉都幾多下。 而且啲飯都炒得幾乾身，都幾合格。
高力豆沙香蕉
唯一值得讚嘅就係呢個甜品。佢嗰啲甜品個香蕉味都幾重。而且隔離嗰啲一絲絲嘅其實就係嗰啲糖絲嚟嘅。
總括而言，呢間餐廳環境就ok嘅，但係啲食物嘅份量真係太過少喇。而且價錢偏貴。
张贴
