漢陽苑韓國料理 (已結業)

星期日嗰日，我見無聊，就同個friend兩條友貢左入去漢陽苑食飯。佢地午市自助燒烤11:00開始食到2點鐘，$68位加一服務費。呢間野都幾多野食，有燒烤、熱盤熟食、壽司、甜品和飲品任飲。一開始我地主攻壽司和熱盤熟食，款式雖然唔係好多，不過味道幾好。尤其是三文魚壽司，中間夾塊甜蛋，配搭不錯。之後我地開始燒烤，食左烤羊肉、牛肉、雞串、魷魚、墨魚仔、排骨和其他扒類，其中羊肉比較好食。我地飲左酸梅湯、豆漿，兩樣都好飲。最後甜品方面，我地食左豆腐花、西米露、啫喱、芒果布丁、涼粉、椰汁糕和芒果椰汁糯米飯，豆腐花味道最好，其他也不錯。如果要求不高，可以一試。總括而言對是次用餐滿意!