八鍋堂．中日火鍋專門店 (已結業)

今日同朋友係旺角行街，行行下覺得肚餓，行到去兆萬中心，見到有好多食日韓泰台菜等等，琳琅滿目，最後選擇了八鍋堂.中日火鍋店。設有半自助，可以點日式炸物，肉類，刺身等等，店舖的右面有雜丸，菇類，鳥冬，牛柏葉，豆卜，午餐肉同幾款既菜選擇等等，可以自取。入到去環境光猛，而且乾淨衛生，由店外望出去既街景，無焗促感，坐位與坐位之間都好寬敞，待應替我們放爐具，碗筷，原來碗旁邊左右各連著一個小碗係可以放醬汁，設計有創意和方便，醬汁是自助形式。至於火鍋選了四種湯底，包括蕃茄，豆乳，皮蛋，豬骨，蕃茄湯好濃，蕃茄帶點鮮甜味，不會酸，海鮮豆乳湯比較有淡淡既豆味，我覺得幾特別，皮蛋芫荽湯底有原隻皮蛋，可以清熱，喜歡皮蛋的朋友可以考慮一下，豬骨湯有整條豬骨在內，骨膠原豐富，有濃濃的豬骨味。食物方面，點了牛肉同豚肉，兩者脂肪分佈平均，肉質鮮甜，而且口感不錯而且亦有湯汁味道，必點之選，海蝦亦是肉質彈牙，加湯的湯壺全是豬骨湯，亦有刺身壽司選擇，比較罕見有劍魚腩選擇，味道肥美鮮甜.飲品有韓式，台式，亦有熱茶供應。甜品方面，有蛋糕，泡芙，雪糕供選擇，泡芙內裡的忌廉很幼滑充滿驚喜，吃完一頓豐富晚餐，亦有甜品點綴，十分滿足。