小麻吉滷肉飯 (已結業)

2019年3月10日。雨。旺角。食個晏先再行街～咁喺女人街見到呢間餐廳就入咗去啦～餐牌嘅午市套餐雖然住淨係for一至五，但原來星期日都可以嗌嘅～仲有包嘢飲添～又幾抵喎！餐廳裝修都幾靚，有幅壁畫，畫咗有台灣特色嘅夜市風情～餐廳係長條形嘅，所以會有少少窄坐就唔會太舒服小麻吉招牌滷肉飯，$37去台式餐廳我大多數都係嗌滷肉飯，點知呢排接二連三咁中伏真係令我好失望，呢排都唔敢再食滷肉飯啦呢個滷肉飯睇個樣就知同平時食開嘅唔一樣因為佢嘅肉係一條條嘅，而唔係平時見開嘅肉燥樣上網睇返，台灣唔同地區嘅做法會有啲唔一樣咁都無所謂啦，可能係個樣唔同啫，但係食落都唔掂汁少，唔夠攞嚟撈飯，味道仲要唔濃，食咗兩啖就已經放棄。。。凍台灣奶茶，+$3跟餐飲品，凍飲要加$3正正常常地偏甜熱台灣咖啡跟餐熱飲唔使加錢～咖啡幾香濃，嗌咗多奶，幾好味～尖椒皮蛋，$12男朋友好鍾意食尖椒皮蛋，去親譚仔都會嗌但係呢個。。。同譚仔嘅尖椒皮蛋差十萬八千里皮蛋唔靚，個醬得中間嗰少少。。。麻醬乾拌麵，$41賣相已經唔掂。。。麵質偏硬，麻醬係幾香，但都無補於事。。。唔會再試。。。