鈴木珈啡館 (已結業)

三人原本打算去Oyster Express食蠔，由於沒有訂位，去到才知那裡當晚被人包場。無蠔食，惟有行過隔離條街找東西吃。經商量後，大家都同意食Suzuki Cafe。點些菜，大家share食。沙律有少許長腳蟹肉和三文魚，可是蟹肉和三文魚均不鮮甜，蔬菜也算不上很新鮮，可以話頭盤係比較弱。主菜分別選了吞拿魚意粉及鵝肝牛柳粒飯，前者吞拿魚粉量小，也不香。意粉幾硬亦不是爽口彈牙，味道偏淡，略為失色；後者更是失敗中既失敗，牛柳粒十分韌，出盡九牛二虎之力才咬得開，真係粒粒皆辛苦。至於鵝肝，聞不到香味，什麼外脆內軟的口感？唔使旨意。小食相對正常。炸海鮮拼盤有魷魚圈、軟穀蟹和烏賊，雖不是香脆可口，但也不致難於入口，點些青芥辣醬吃，亦可以接受。咸點環節結束，也該輪到甜品上場。睇睇餐牌，呢度既雪糕係用Haagen Dazs的，因此有點期望。order一客士多啤梨雪糕(佢有個好好聽既名，不過唔記得係咩)，除了HD的雪糕球好味外，士多啤梨肉酸得要命，還有運用不宜的紅色糖漿，Haagen Dazs雪糕亦被遭塌了。吃罷大概九點鐘，也不想再坐，早點埋單走人好了。