影片
更多
2016-05-12
2774 浏览
有沒有人同灰熊一樣嗜辣如命??? 好中意食辣野, 差唔多日日都要食辣, 無懼生粒粒既危險. 已到訪過嫲嫲辣辣多次, 差不多每次都係叫一大窩麻辣小炒再同友人SHARE黎食, 我口中既大窩小炒係指多種唔同既自選配料配上唔同既麻辣風味(記憶中有麻辣/孜然/水煮等等)炒起用一隻超大碗上菜, 食過之後就對呢大窩小炒既滋味久久未能忘懷. 即使係中午時分, 都見到大部份客人都點比午市套餐貴上許多既大窩小炒, 就知道大窩小炒既滋味係不同凡響. 店內環境富有四川風味, 入面座位不多, 但都尚算舒適, 遇上繁忙時間就可能會感覺稍迫.由於大窩小炒係4個餸起炒,即是最少要點4個餸, 記憶中每個餸既價格都由$28起, 今次我地就點左牛肉(好滑, 唔鞋, 十分惹味), 午餐肉(午餐肉可以話係今次最好味既配料, 意想不到午餐肉與麻辣口味可以如此匹配, 呢個大窩只食午餐肉都可以用來送幾碗飯, 雖然午餐肉要$28, 但推介必定要一試), 金錢肚(一D都唔韌,又係非常惹味), 薯粉(因為點左薯粉, 所以我地只叫一碗白飯, 個人好中意薯粉煙韌既口感, 配上麻辣醬汁真係食多多都唔夠). 白飯需要另點, 通常我地都會點1碗白飯
已到訪過嫲嫲辣辣多次, 差不多每次都係叫一大窩麻辣小炒再同友人SHARE黎食, 我口中既大窩小炒係指多種唔同既自選配料配上唔同既麻辣風味(記憶中有麻辣/孜然/水煮等等)炒起用一隻超大碗上菜, 食過之後就對呢大窩小炒既滋味久久未能忘懷. 即使係中午時分, 都見到大部份客人都點比午市套餐貴上許多既大窩小炒, 就知道大窩小炒既滋味係不同凡響.
店內環境富有四川風味, 入面座位不多, 但都尚算舒適, 遇上繁忙時間就可能會感覺稍迫.
由於大窩小炒係4個餸起炒,即是最少要點4個餸, 記憶中每個餸既價格都由$28起, 今次我地就點左牛肉(好滑, 唔鞋, 十分惹味),
午餐肉(午餐肉可以話係今次最好味既配料, 意想不到午餐肉與麻辣口味可以如此匹配, 呢個大窩只食午餐肉都可以用來送幾碗飯, 雖然午餐肉要$28, 但推介必定要一試),
金錢肚(一D都唔韌,又係非常惹味),
薯粉(因為點左薯粉, 所以我地只叫一碗白飯, 個人好中意薯粉煙韌既口感, 配上麻辣醬汁真係食多多都唔夠).
白飯需要另點, 通常我地都會點1碗白飯SHARE, 而口味方面我地就揀左麻辣(微辣), 佢地有多種辣度可選, 但個人認為微辣係恰到好處, 雖然我好中意食辣野, 但有時我都好怕辣味會蓋過食物既味道.
補上對比圖, 就知道大碗個碗有幾高, 唔好睇好似紅辣椒多過餸, D餸既份量係非常充足, 記得剛剛第1次黎既時候覺得餸既份量略少, 但之後黎過幾次分量都OK.今次4餸1白飯2支可樂盛惠$144(午餐免加一), 以價錢都絕對值得一黎再黎, 每次食完出門口我同友人都會期待下一次再黎, 而且會一直在咀裹回味剛才麻辣味道, 此店確係10分推介!
张贴
