影片
更多
2010-08-02
13 浏览
1-8-2010只食過呢度的車仔腸粉 (http://www.openrice.com/restaurant/commentdetail.htm?commentid=1889843), 側聞呢度的滑蛋亦好掂, 是日捉了蛋癡朋友 lunch 嚟試試.叫了滑蛋蝦仁飯 ($35): 怕食唔晒, 所以叫了「扣底」, 可幸最後份量剛好 蝦仁份量不少亦隻隻肥大, 食落十分爽脆 (鮮甜味就梗係唔高啦, 30 幾蚊你想點?); 滑蛋雖然蛋香一般, 不過實在好滑, 而混了唔少蔥花, 再撈點香蔥甜豉油, 食落蔥香強勁, 幾惹味, 最後順利清碟. 朋友食滑蛋叉燒飯 ($35)... 試了少少叉燒, 蜜味好重, 肉質亦鬆化, 配上蛋汁, 無可能唔好食吧. 星期日 12:xx pm 嚟到, 都係啱啱「攝」到近前門的「面壁」位, 加上檯檯櫈櫈幾密密麻麻, 還是快快食完快快走人好了.連一杯熱華田及一支現成凍豆漿 (凍飲加 $2), 每人埋單約 $36, 值得試試的 -- 下次食多士!
只食過呢度的車仔腸粉 (http://www.openrice.com/restaurant/commentdetail.htm?commentid=1889843), 側聞呢度的滑蛋亦好掂, 是日捉了蛋癡朋友 lunch 嚟試試.
叫了滑蛋蝦仁飯 ($35): 怕食唔晒, 所以叫了「扣底」, 可幸最後份量剛好 蝦仁份量不少亦隻隻肥大, 食落十分爽脆 (鮮甜味就梗係唔高啦, 30 幾蚊你想點?); 滑蛋雖然蛋香一般, 不過實在好滑, 而混了唔少蔥花, 再撈點香蔥甜豉油, 食落蔥香強勁, 幾惹味, 最後順利清碟.
朋友食滑蛋叉燒飯 ($35)... 試了少少叉燒, 蜜味好重, 肉質亦鬆化, 配上蛋汁, 無可能唔好食吧.
星期日 12:xx pm 嚟到, 都係啱啱「攝」到近前門的「面壁」位, 加上檯檯櫈櫈幾密密麻麻, 還是快快食完快快走人好了.
連一杯熱華田及一支現成凍豆漿 (凍飲加 $2), 每人埋單約 $36, 值得試試的 -- 下次食多士!
张贴
