影片
更多
2021-12-11
1869 浏览
老實講聚盈都係一間大集團仲要喺酒店 入面估計都唔差得去邊。其實之前有個食評講得已經好保留，實情上由頭到尾我同朋友都食到媽媽聲，走嘅時候仲要係成肚氣 。首先今晚 大堂包埸做酒席。 所以安排我哋去一間獨立房間只有三枱客 我哋係其中一枱。去到即刻點大閘蟹但係等咗半個鐘都未有蟹食， 呢個放題得90分鐘任點。按此上蟹速度根本冇可能食到回本。 追了兩次，第一輪大閘蟹來到了 卻令我哋 非常失望。兩隻都係灰蟹傳出一浸臭味。 翻開背面 還有一些灰白色的黏液 貼住 好核突 。估計應該係極度唔新鮮。 即刻叫經理處理 佢都冇解釋任何原因便攞走那兩隻臭蟹 然後又再等 30分鐘才補返。 其中一隻質素正常一點另外一隻依然是灰灰黑黑的，見到都唔開胃。 嗰啲蟹其實得三兩左右 ，全部都係 乸多膏但係沒有鮮味及很實。 應該係蒸得太久了。 既然蟹唔靚又要等，我哋只係靠點心填補空虛的胃。 唔好以為點心平會畀你任食。係可以任點但係上菜速度係由佢哋控制所以你點幾多點心都好，佢都會推搪話蒸緊。 好似胡椒豬肚同埋鮑汁雞腳呢啲應該係預先炆好嘅菜佢都話要等。我哋追咗幾次佢才拿了一碟不知什麼咸菜 渣宰 出來。 呢間嘢真係冇下次亦都唔明咁嘅食
估計都唔差得去邊。其實之前有個食評講得已經好保留，實情上由頭到尾我同朋友都食到媽媽聲，走嘅時候仲要係成肚氣 。
首先今晚 大堂包埸做酒席。 所以安排我哋去一間獨立房間只有三枱客 我哋係其中一枱。
去到即刻點大閘蟹但係等咗半個鐘都未有蟹食， 呢個放題得90分鐘任點。按此上蟹速度根本冇可能食到回本。 追了兩次，第一輪大閘蟹來到了 卻令我哋 非常失望。兩隻都係灰蟹傳出一浸臭味。 翻開背面 還有一些灰白色的黏液 貼住 好核突 。估計應該係極度唔新鮮。 即刻叫經理處理 佢都冇解釋任何原因便攞走那兩隻臭蟹 然後又再等 30分鐘才補返。 其中一隻質素正常一點另外一隻依然是灰灰黑黑的，見到都唔開胃。 嗰啲蟹其實得三兩左右 ，全部都係 乸多膏但係沒有鮮味及很實。 應該係蒸得太久了。 既然蟹唔靚又要等，我哋只係靠點心填補空虛的胃。 唔好以為點心平會畀你任食。係可以任點但係上菜速度係由佢哋控制所以你點幾多點心都好，佢都會推搪話蒸緊。 好似胡椒豬肚同埋鮑汁雞腳呢啲應該係預先炆好嘅菜佢都話要等。我哋追咗幾次佢才拿了一碟不知什麼咸菜 渣宰 出來。 呢間嘢真係冇下次亦都唔明咁嘅食物質素點可以繼續生存落去？ 當人傻嘅咩。 我要寫出嚟係要提醒想幫襯呢間嘅人做一個參考。如果你只係為咗搵個地方坐下食下點心出面百零蚊嘅質素好過佢好多。 如果你係為咗食大閘蟹更加唔好來因為你會好似我哋一樣咁失望同後悔。 真心講句四百幾蚊一餐去東x 或鸿X 畀佢好食m倍啦～
张贴