微酵烘焙 (世貿中心) (已結業)

今日中午食晏去到世貿中心，2樓開咗間新麵包店，見到好多人應該唔差得去邊，好奇下跟同事入去買咗多款麵包，返公司大家分享。三色髒髒包最吸引，非常搶眼的顏色，成個小型薄餅咁大個，女仔胃口兩個人先食到，分別是朱古力、紅莓及綠茶口味，紅莓及綠茶外層是白朱古力做我唔太鍾意，朱古力的最好，因為我鍾意朱古力囉！但係同事可能喜歡，所以照買綠茶，但換上極濃乳酪，果然冇決定錯，半溶乳酪口感非常美味。有大包亦有小包包，對比下，$8個小包小巧玲瓏，更適合我們一眾淑女小口，黑眼豆豆，綠茶紅豆各一，然後加個招牌爆漿珍奶軟歐。爆漿珍奶軟歐真的特別，裡面流心，奶茶加黑糖白珍珠，軟軟Q靭，我好喜歡。黑眼豆豆平靚正，朱古力好味。招牌爆爆水果茶要求少冰少甜，味道唔甜更飲到茶味，有好多水果，極之大塊的菠蘿、番石榴、蘋果肉、橙肉。芒果 mojito 沒有要求少甜，半杯是冰，味道好，夠冰涼。同事們都食得好開心，下次再去食晏又要幫人買了。