小念頭 (通菜街) (已搬遷) 新店位置

呢間位於旺角上樓嘅cafe係其中一間我最愛既cafe 一去到門口已經見到充滿台式風格嘅 舖頭名【小念頭】入到去，鋪頭細細唔算好大，有四至五張枱，一張比較大嘅枱， 佈置簡單悠閒，有屋企感覺。其實呢間cafe都嚟過好多次，而我最鍾意食佢嘅戚風蛋糕， 因為佢啲蛋糕全部都係自己整,有心思又好食! 但係今次見到蜂蜜蛋糕都好吸引所以就叫咗黎試喇蜂蜜蛋糕好似千層蛋糕，但係中間每一層都夾雜住乳酪， 食落去好滑，味道唔錯，亦唔會太甜!除此之外仲叫咗杯【東方美人】🍵呢個茶有好香嘅茶味，而且仲有帶點淡淡嘅果香味🙂下晝又冇咩嘢做，同三五知己一齊搵間cafe坐傾下計，咁就一個下晝真係又舒服又可以享受到美食😉香港真係好少又靚，野食又用心製作既咖啡店。