龍鳳號 (已結業)

想食台灣野就搵左呢間。係工業區，街市對面上。當日都幾多人，門口有水自己裝。估佢唔到台啤賣$3x，當然無叫到，上菜都算快。二人行：1. 大腸麵線2. 鹽酥菇3. 蕃薯苗4. 滷肉飯1. 食過咁多間，真係呢間最難食，八方雲集仲好食。唔夠濃味又稀，不了不了。2. 成餐飯最好食，但係唔知係啲菇差定係炸唔夠，有啲實到好似生食咁。3. 正正常常，有條有味有條無味咁4. 珍珠米唔錯，但個滷肉無咩特別，有啲甜。不可一不可再！全部都$3x-$4x，唔好以為好平，呢個質素不值。