鹿角巷 (已結業)

最近「台風」吹襲香港，開左好多間台式飲料專門店，今日無懼風雨去左旺角試「鹿角巷」，大熱過江龍點可以唔試下！可能因為今日落雨，所以排隊買都係等左十分鐘左右，我叫左招牌既黑糖鹿丸鮮奶。但等拎野飲就要等三十分鐘，所以行左去附近睇衫兼避雨。最後行街行左廿分鐘就行返返去鹿角巷，其實都唔駛等三十分鐘咁耐，等左廿分鐘左右......終於等到我地既黑糖鹿丸鮮奶！！第一啖就咁飲粒黑糖珍珠真係超甜既黑糖味，但未必人人都喜愛，攪勻左之後飲唔算太甜，好好飲！鮮奶味亦好濃！但係咪值得等咁耐先飲到就見人見至。