丸·茶手作 (勝利道) (已結業)

又一個台灣過江龍 香港呢種台式飲品店 真係開到周圍都係咁岩行過寵物街 又見到一見長龍店翻查網上資料 發現原來係台灣人開由台灣直接運材料黎香港 佢最出名係台灣直送黑糖同茶葉 而且珍珠仲係自家制作 絕無添加咁話喎!! 你睇下條龍 條街唔係好大 但已經排到無位企最出名既限定係抹茶珍珠 但台灣運送途中今日暫時未有得賣 唯有等下次啦 眼見佢由熱到凍都好多選擇 不過剛開業 運作流程就似乎慢左少少點左呢杯黑糖珍珠奶綠 茶底方面佢有淡淡既奶香 又唔會好重口味但太濃飲落其實都好清甜順喉 唔會有飲緊奶精既感覺珍珠比平常的細粒 但甜味岩岩好煙煙韌韌好好咬口 配合埋清淡得黎又有奶茶味既茶底兩者都取得一個平衡 品質控制唔錯 有台式風味 價值合理 即使行遠少少入到黎都覺得唔會蝕