麻神麻辣火鍋 (已結業)

好掛住台灣火鍋店，係香港搵左吾少店，覺得呢間最正宗真正台灣麻辣火鍋店嚟，叫麻神。未講野食之前，先講佢最正嘅麻辣湯底，好正丫，麻香又帶辣，好惹味，我當佢係湯咁飲左幾口，好正，佢可以俾你辣同吾辣嘅，食吾到辣嘅朋友可以嗌鴛鴦鍋。野食方面，都好多選擇，有肉有海鮮有丸有餃有菜等等。點左牛，蝦，綜合鮮餃拼盤，菜，同鴨血，聽講呢個好出名，都幾好食吸晒味，吾錯，鮮餃我覺得都要讚一下，價錢吾貴，先88元，但真係食得出用料好，因為好多出面打邊爐店嘅餃子都買返嚟，又吾新鮮，我覺得呢間好似自己鮮包咁，料好鮮味，好食。價錢吾貴，食到高水準，火鍋湯底都勁正，服務又一流，值得一試。