更多
2019-12-01
9538 浏览
今日見完客,終於有時間食lunch 啦,又係孤獨食,一定係食麵啦,經過見到台灣麵試業中,就試試佢。好,坐底睇下有咩好食先。紅燒牛肉牛筋麵,個麵好香,牛肉厚切,夠腍身,牛筋好粗,好似花膠甘款,食完感受到無限骨膠原,哈哈!麵底彈牙,個湯底又夠濃郁,店員有介紹呢個自家製麻辣醬,好香麻味,食落唔太辣,所以唔食得辣既都可以試。台灣小香腸,最特別係要夾住個蒜黎食,個蒜係乾身,食落係脆架,冇平時蒜頭又濕又搶喉既味,真係超好食,我怕口臭都要食晒佢!芝士岩鹽奶蓋炭燒烏龍茶,奶蓋咸咸地,芝士味濃,烏龍茶香,唔錯!
张贴