大頭芋烘焙

营业中

休息中

之前食過同事派嘅散水餅，得知呢間賣台灣芋頭酥店舖幾出名，就再買咗幾款芋頭酥食，標榜不含防腐劑，無色素，唔使飛去台灣都食到 💜原味芋頭酥一層層整到玫瑰花型嘅酥皮，入口鬆脆，內裡芋泥足料，綿滑有芋香，芋頭味最濃郁 💛蛋黃芋頭酥多了蛋黃係入面，入口多了份鹹香味 💚麻薯芋頭酥呢個入面有我最愛嘅麻薯，外層酥香，入口除了有滿滿芋泥仲多咗份煙煙韌韌嘅口感，又唔會太甜，真係食完一粒又一粒 🥯伯爵茶貝果見有新產品埂係要試吓啦，就買咗其中一款，嗅覺同入口都充滿伯爵茶香味，食落煙煙韌韌，下次再買其他試