湯•米 (已結業)

陪朋友來到將軍澳辦新嘅智能身份證而認識到呢間台式餐廳，幾好吖，下次如果輪到你辦身份證時不如都來試吓啦，咁住喺將軍澳的朋友仔就随時都可以來，呢間好有台式装修風格嘅小店離將軍澳鐵站只是5分鐘嘅路程。两個人點咗两個鍋，泰式海鮮鍋材料豐富，眼見嘅就有鮮蝦2大隻，青口2大隻，鳴門卷，香菜，而入邊仲有娃娃菜，椰菜，雲耳，金針菇，冬菇，粟米，炸薯仔，炸枝竹，鵪鶉蛋等配菜，辣度一隻辣椒啱晒我口味；而另一個係韓國泡菜鍋，主要有泡菜，豚肉，餃子，年糕，公仔麵同埋和以上一樣的配菜，同樣哋豐富好味。而满杯百香果及满杯菠蘿大大杯，即時整嘅好fresh襯埋以上两個鍋正適合，可以解辣吖