8鍋臭臭鍋 (金巴利道) (已結業)

很久沒有去食臭臭鍋，今日出佐敦臭一臭佢先～午餐時間去都爆場，好彩唔洗排長龍，等咗5～6分鐘就有位入座了，不過今日人手不足，只有兩個人喺樓面，全包收錢執枱上菜落order，所以都等咗一陣先得閒落單，2個大人，1個小朋友㸃咗兩個迷你鍋：香蒜牛肉鍋同咖哩奶蓋鍋+一個普通麻辣鍋，配粉絲。大概十分鐘都已經有嘢食到，麻辣鍋其實怕辣都可以試小辣，個人覺得唔太辣，可以過下口癮，個王子麵一定要食，係推介，另叫就有D貴，要＄15，但就唔見咗豬紅在鍋了。而兩個迷你鍋比小朋友同女仔食啱啱好，唔會食唔晒，嘥嘢，如果怕唔飽，配飯就應該夠飽喇~咖哩奶蓋鍋都在迷李鍋之列，可以一試，D咖哩唔辣，淡淡咖哩粉，不太濃烈，有一層奶蓋在牛肉面，本身已經有粉絲同菜在鍋中，再配粉絲，索晒個湯，配料仲有魚旦丶魷魚同蜆肉，迷你香蒜牛肉鍋就無咗魷魚，但多咗一款魚丸，呢個唔辣，啱小朋友食，但要小心，切勿燙傷手仔～午市係有指定銀碼嘢飲配，可補差價轉款，特別一提，迷你鍋係一至五特定款，只做到下午三點，全日加一服務費，如果怕排長龍，下午去食都係一個唔錯選擇，仲平D~