熊館 (已結業)

又出發到觀塘搵美食！今日走台式路線！經過呢間餐廳好樸素，但俾個招牌一碗麵吸引住於是就同朋友入去試試因為好肚餓，所以我哋大開食戒😂😂秘製雞酒麵：雞酒湯底好特別，而且雞塊非常多，又入味，非常抵食！另外仲叫咗麻醬雞絲粉皮，又係非常足料，雞絲非常多，每食一啖粉皮就有足夠嘅雞絲同青瓜絲配合，大讚水煮魚湯麵：四川辣味湯底，配料非常足夠，又有朱紅又有小棠菜，水煮魚塊又多，好抵食！因為我同朋友都非常鍾意食雞蛋，所以我哋叫咗兩隻滷水雞蛋，勁有驚喜，雞蛋是糖心的，估唔到水準可以做到咁高，完全可以媲美高質的日本拉麵店！呢個滷水雞蛋極力推介，又平又抵食，唔叫你哋會後悔呢間餐廳非常有台灣味道，想食台灣麵可以嚟試試！