阿杏飯團 (新都城中心二期) (已結業)

每份飯團都配有煙韌紫糯米外層，仲有紫菜包著，內裏有好多配料包括，肉鬆、油炸鬼、菜甫、沙律醬和生菜。非常之足料同香口，見到店員全部都係即叫即包，食既時候仲係暖暖地。叫左奈良黑椒雞扒飯團和網紅蟹肉飯團。分別係內裹主打材料有所分別，配料都大致相同。特別油炸鬼好脆口令飯團增加口感。仲見到有好多選擇，有機會都想試下其他口味。手作紅豆奶茶奶茶好香唔會太甜，個底仲有粒粒紅豆有咬口紅豆唔會硬。椰果四季春四季春茶茶味濃，入面有粒粒椰果肉，有咬口之餘又煙韌。而且份內不少好鬼大杯。