KiKi麵店 (海之戀商場) (已結業)

聞名已久嘅台灣過江龍KiKi麵，我今日嚟到海之戀嘅Donki行完街，終於都食到喇。裝修好有特色，店面闊落夠光猛。好多貓嘅佈置。好有台灣文青風格🤩。餐牌有很多食物選擇啊😄。揀咗：蔥香鵝油雞拌麵天氣熱冇咁有胃口，食拌麵輕盈啲，感覺幾適合依家夏天食。麵上啲雞好嫩滑，雞皮煎過，連皮一齊食都唔會覺得肥和膩。好正呀！把淋上鵝油嘅拌麵撈勻食，好香，味道啱啱好，惹味但唔會鹹。👍蒜片台式腸煎過，好香脆，唔肥膩。小食嚟講唔錯。👍生乳銅鑼燒（抹茶）夾住嘅抹茶好濃抹茶味。樽裝白桃烏龍茶賣相高級，簡約但好型仔。清甜得嚟好飲。烏龍茶味好出。😍😍總消費 $148KiKi麵比我想像上出色，可以同朋友仔encore 呀。