影片
更多
2020-03-19
33 浏览
早排係網上見到超多關於呢間新開台灣過江龍cafe既野，終於抵擋唔住決定要黎探個究竟。我同朋友叫左一個二人分享套餐、兩個燉飯、兩杯飲品。<二人分享套餐> ($128)1. 桔梗沙律二人分享套餐包桔梗沙拉、麵包同埋每日昔昔。個沙律菜好爽脆，上面有啲甜椒蓉，沙律醋酸甜開胃。2. 麵包麵包係法包，配左酸甜既無花果醬，仲有香橙白蘭地忌廉芝士醬同埋芥末牛油。啲醬已經準備好一份份，所以直接用包係碟上面掃就可以，唔洗用刀。3. 每日昔昔呢度既奶昔係細細杯既所以做甜品啱曬。上面有麵包同藍莓。大概係用士多啤梨、藍莓同香蕉打成，個甜度幾自然啊。<水上芭蕾舞•干貝繞圈圈> （$168）個名咁得意，見到真身先明白個樣既用意。係幾件帶子圍住一個圈，飯上面有啲四季豆、瓜同埋煙三文魚碎，好creamy，每啖超有來自三文魚油份既鮮味，上面汁溫泉蛋超流心，同啲飯撈起好正。<海底世界•海龍王真的來了> （$228）係大大隻龍蝦，用左牛油整，好有龍蝦肉味，肉質鮮嫩，係呢度食到咁鮮既龍蝦，真係超乎我想像！仲有帶子同埋貓魚，魷貓口感好爽彈好似食魷魚咁。個飯樣一樣有溫泉蛋，調味就用左
我同朋友叫左一個二人分享套餐、兩個燉飯、兩杯飲品。
<二人分享套餐> ($128)
1. 桔梗沙律
二人分享套餐包桔梗沙拉、麵包同埋每日昔昔。個沙律菜好爽脆，上面有啲甜椒蓉，沙律醋酸甜開胃。
2. 麵包
麵包係法包，配左酸甜既無花果醬，仲有香橙白蘭地忌廉芝士醬同埋芥末牛油。啲醬已經準備好一份份，所以直接用包係碟上面掃就可以，唔洗用刀。
3. 每日昔昔
呢度既奶昔係細細杯既所以做甜品啱曬。上面有麵包同藍莓。大概係用士多啤梨、藍莓同香蕉打成，個甜度幾自然啊。
<水上芭蕾舞•干貝繞圈圈> （$168）
個名咁得意，見到真身先明白個樣既用意。係幾件帶子圍住一個圈，飯上面有啲四季豆、瓜同埋煙三文魚碎，好creamy，每啖超有來自三文魚油份既鮮味，上面汁溫泉蛋超流心，同啲飯撈起好正。
<海底世界•海龍王真的來了> （$228）
係大大隻龍蝦，用左牛油整，好有龍蝦肉味，肉質鮮嫩，係呢度食到咁鮮既龍蝦，真係超乎我想像！仲有帶子同埋貓魚，魷貓口感好爽彈好似食魷魚咁。個飯樣一樣有溫泉蛋，調味就用左羅勒堅果醬，味道好有食泰菜既感覺，熟悉既味道原來係來自羅勒，羅勒原來係一種泰菜常用既香料，同腰果、核桃打成醬原來都幾夾架。所以個飯味道好有薄荷既爽味。
<迷迭香玫瑰花茶>（$58）
好香既玫瑰味，原來有安神、健健和解郁既功效。飲落有啲自帶甜味，好易入口。
<茉莉薰衣草> ($58)
薰衣草平時聞得多，飲就第一次，同茉莉一齊，味道有啲似原味菊花茶，比較甘爽，功效係放鬆身心或治療失眠。
全晚個場超爆啊，坐無虛席，出面仲有長長人龍。有書架、單車、明信片可以打卡。樓上仲有水煙同埋桌球枱添。仲有勁大個天台！呢度個廚房係開放式既，有興趣可以行去望下廚師點煮。呢度呢度除左食物係先付款後自取之外，仲要係自己執食完既碗碟既，自己手尾自己執嘛。
张贴
