影片
更多
2024-07-02
228 浏览
一向都唔係台式邊爐既粉絲，鍾意日式，中式邊爐多啲，我知點解啦⋯⋯一直搵唔到間好味正宗既，試完台灣過江龍，今次改觀啦😀先揀火鍋套餐，喺套餐入面揀湯底，飯/烏冬及飲品。我哋揀咗極尚無骨牛小排鍋（120g)。另一個係海鮮總𣾀鍋。一個爆炒龍蝦湯，一個松露燦金雞湯。加$35要雪蟹膏桂魚卵拌飯。揀咗一杯蜂蜜檸檬水，和加$4的鳳梨冰茶。甜品叫咗士多啤梨奶酪，焦糖布蕾。爆炒龍蝦湯好重龍蝦味，十分新鮮，仲有鮮蝦入邊。松露燦金雞湯入邊有好多松露，有雞件喺入邊，喜歡食松露的人一定要點。我個人就覺得龍蝦湯去到尾有啲鹹，松露湯就食到尾都正，最後落埋個烏冬，超多松露黐住烏冬，啖啖都豐富松露味。牛小排好新鮮，不過一心食牛肉打邊爐嘅，就唔太建議啦。反而海鮮鍋比較精彩，生蠔新鮮，有大有細。精彩推介，雪蟹膏桂魚卵拌飯，勁多蟹糕，撈埋蔥好桂魚卵，超級好味，啖啖都豐富蟹膏，加$35有咁名貴嘅餸菜，必選！另一推介，喺出邊任食任攞嘅火鍋食材，超級超級彈牙嘅花枝滑，去到嘅時候已經剩返好少，職員見到，即刻推介，叫廚房攞咗份新鮮嘅出嚟。蛋餃到好正，米血就必備啦。職員仲推介淮山片，我都覺得好味，職員見到有小朋友，仲叫我試吓鵪鶉蛋，仲好細
先揀火鍋套餐，喺套餐入面揀湯底，飯/烏冬及飲品。我哋揀咗極尚無骨牛小排鍋（120g)。另一個係海鮮總𣾀鍋。一個爆炒龍蝦湯，一個松露燦金雞湯。加$35要雪蟹膏桂魚卵拌飯。揀咗一杯蜂蜜檸檬水，和加$4的鳳梨冰茶。甜品叫咗士多啤梨奶酪，焦糖布蕾。
爆炒龍蝦湯好重龍蝦味，十分新鮮，仲有鮮蝦入邊。松露燦金雞湯入邊有好多松露，有雞件喺入邊，喜歡食松露的人一定要點。我個人就覺得龍蝦湯去到尾有啲鹹，松露湯就食到尾都正，最後落埋個烏冬，超多松露黐住烏冬，啖啖都豐富松露味。
牛小排好新鮮，不過一心食牛肉打邊爐嘅，就唔太建議啦。反而海鮮鍋比較精彩，生蠔新鮮，有大有細。
精彩推介，雪蟹膏桂魚卵拌飯，勁多蟹糕，撈埋蔥好桂魚卵，超級好味，啖啖都豐富蟹膏，加$35有咁名貴嘅餸菜，必選！
另一推介，喺出邊任食任攞嘅火鍋食材，超級超級彈牙嘅花枝滑，去到嘅時候已經剩返好少，職員見到，即刻推介，叫廚房攞咗份新鮮嘅出嚟。蛋餃到好正，米血就必備啦。職員仲推介淮山片，我都覺得好味，職員見到有小朋友，仲叫我試吓鵪鶉蛋，仲好細心叫我小朋友慢慢食，小心蛋入邊會有熱湯。小朋友就推介蟹柳，我都覺得幾新鮮，唔好落太耐，好快散，唔似有啲凍肉舖嘅蟹柳，雪到好死實。
小朋友飲鳳梨冰茶，講咗好多次好味，我偷飲咗一啖，又真係幾正， $4抵加。
估唔到甜品都幾精彩，兩樣都好味，甜度剛剛好，焦糖布蕾食落有層次。士多啤梨奶酪都幾滑溜。
欣賞職員有禮貌，夠衛生，下次再黎。
😋Yummy Yummy: 9/10😋
张贴
