茶木‧台式休閒餐廳 (已結業)

茶木紅燒牛肉麵(7/10)($60)好多人去茶木都會食佢地既紅燒牛肉麵。牛肉麵其實用既又係手作麵,麵質彈牙。最正係牛肉,超嫩肉味豐富。白蘿蔔好正,食牛肉麵食埋白蘿蔔減油膩感。但紅蘿蔔就係敗筆,硬又唔好食茶木奶油起司培根雞蛋手作麵🍝(7.5/10)($72)茶木好多人都食過,呢個奶油起司培根雞蛋手作麵,其實即係同卡邦尼意粉差唔多,只係麵由傳Spaghetti意粉轉左佢地自家既手作麵。卡邦尼好好味,奶味濃,煙肉料多,味道係意想唔到咁好食。最正係隻手作麵,個樣有啲似fettuccine意粉,同埋有啲似台灣牛肉麵果隻麵但佢每條粗麵都有少少唔同,彈性十足,呢種麵配上卡邦尼係非常特別同好味。大家再去食茶木既時候,食悶左其他野,真係可以試下佢呢隻麵,真係唔錯架。