老媽拌麵 (THE FOREST) (已結業)

老媽拌麵嘅手工麵好吸引，每次經過都想試，星期六晏晝終於入去食咗。私房花雕雞拌麵$78我哋揀咗幼麵，手工麵軟硬適中，食落口感好好😋醬汁足夠伴麵，味道濃淡適中。花雕雞件大大件，肉質爽，唔會乾嚡，有淡淡的花雕酒香。魷魚圖滷肉飯$68我好鍾意食滷肉飯，油脂甘香加上滷肉汁拌飯，味道一流😋呢度啲滷肉好入味，係你甘香，但係又唔會完全得肥膏冇肉食，啱晒我口味。滷水魷魚圈都好入味，有咬口得嚟又唔會硬。另外仲有流心蛋、蠶豆、紫菜呢啲配料，好豐富。香煎蔥抓餅$30呢個好正😍，外表平平無奇，但係好香蔥味，抓餅酥酥脆脆的，又唔會油膩。高麗菜豬肉水餃$42有6大隻，每隻脹卜卜。我哋揀咗高麗菜豬肉，味道清清的，帶有薑嘅香味，餃子皮厚薄適中， 餡料足。