你妳 (運通洋樓) (已結業)

荃灣多嘢食已經唔係新鮮事，但見到呢間新開嘅台灣小店，就入去當去咗轉旅行啦。呢度有好多好基本台灣嘅菜式都有，而且價錢相宜!叫咗個台式滷水雞扒轉乾拌麵，雞扒份量超多，而且滷水好入味，雞排亦都好滑。而且仲有隻糖心蛋，拌麵係比較粗身，食落好煙韌。另外仲叫咗滷水豬頸肉配滷肉飯，滷肉飯既肉碎撈埋白飯好好食！豬頸肉亦都俾得好大方，每片都好大塊。豬頸肉上面仲有少少蒜汁架！另外跟餐叫咗個魯肉汁燙青菜，清淡得來又有啲台灣風味。去得台式食店又點少得有台式嘅飲品呢？叫咗杯高雄紅茶牛奶，奶味比較重，甜度剛好。仲叫咗杯手作紫芋牛奶，紫芋味好濃郁！甜品就叫咗仙草3號，入邊有布丁、芋圓、水晶等等，一解台灣癮！