春水堂人文茶館 (創紀之城五期(apm))

营业中

休息中

春水堂一向大排長龍，所以從來無意欲光顧。是次和朋友午飯，朋友說好味，於是排了一陣隊光顧。環境優雅闊落衛生，木系裝修也令人感到放鬆。是日點了：蕃茄牛腩粗麵：味道是好味，麵條也口感好，但份量偏少，價錢略貴，個人唔覺得物超所值。香蕉朱古力沙冰茶：以茶製作不同飲品，是吸引的，亦好飲。同樣，價錢略貴，以台灣菜用料簡單樸實但定價高，應該是鋪租人工問題吧！熱茶和拌麵：朋友點的，他說好飲好食。最終是朋友請食午飯，唔係自己俾，仍然覺得唔值，食物簡單，快食完又唔會坐得耐，但價錢偏貴。如果打工仔餐餐lunch近100元，要搵幾多先夠使？貴之餘份量偏少，我個人對成件用餐事都無滿足感。為何這麽多人排我也摸不著頭腦。或許和星×克咖啡一樣，其實又貴又唔係特別高質，但賣品牌賣感覺所以仍有一大班捧場客？我也不太知道，但我個人無下次。外賣杯飲品都或者有機會。