九份•十分 (T Town ) (已結業)

今日咁岩嚟天水圍搵朋友順便食埋晚飯咁就一於睇吓附近有乜嘢好食啦!但係最近食得多西餐,日本野,所以都想試吓其他菜,依家啱啱喺天水圍呢個商場見到有間台式野,而且佈置又幾靚，評價又好似幾好，所以一於就去試試啦。咁一坐低呢我哋就已經比附近嘅佈置呀吸引住，佢哋都用咗好多特色嘅裝飾，例如地圖，同特別設計的燈等等，至於食物方面，首先我哋就睇咗小食先啦。我哋叫咗醉鴨舌同埋醉溏沁蛋同埋雞腎角。鴨舌方面雖然數量唔多，但係好入味，酒香濃郁，溏沁蛋就更加食到好香花雕味。而雞腎角我覺得就大有驚喜嘅菜式，我本人就好鍾意，因為除咗雞腎滷得好入味，而又爽口之餘，佢配搭的鹹酸菜呢亦都十分之惹味，大大提升左菜式香味。主菜方面呢我哋就叫咗一個芭樂鳳梨鹽水雞干拌面，芭樂係台灣成日都可以食到，咁佢特色之處就係有鳳梨同埋芭樂係上面做配菜，食落又真係幾特別幾清新，而且因為有晒呢兩樣野，所以好甜!!!而且雞同面的調味都十分香口，都幾值得推介嘅。最尾梗係唔少得就係喺呢度招牌嘅芒果蜜糖磚塊啦！一上菜見到已經好震撼喇，雪糕同cream十分邪惡，麵包方面呢都炸得幾鬆脆，而且切到磚塊狀方面，十分之貼心，Cream超多，但係又唔會話好HEAVY