燈籠滷味 (登龍街) (已結業)

早年係台灣旅行，食過師大夜市既燈籠🏮滷味，一直都覺得好好味，好開心佢終於係香港開啦！！仲要開係登龍街，認真搞笑。鋪頭有台灣味道的裝修，野食都有好多選擇！！而且價錢都相宜，唔會話好貴，食得過呀！可外賣。佢係麵款餸款逐樣揀，逐樣計錢，但食到盡加盡，都唔駛100蚊，感覺上都ok!!我地叫左兩碗麵3樣小食，一個芋圓，加埋200多少少，我覺得抵食呀！飽死haha麵款：稻庭烏龍麵+王子麵麵都幾多下，覺得唔夠食既可以加大，索哂d滷味，好香好正！每一啖都有我個陣係台灣食既感覺。餸款我地嗌完一齊share食，叫左超多。有豬耳朵、雞胗、杏鮑菇、招牌彈牙貴丸、甜不辣、花枝丸。佢比既份量都有好多下，最正係食甜不辣，煙煙韌韌，食唔停口！豬耳仔都好咬口呀。其他都唔錯😆😆😆 小食：起司玉米蛋餅、台式香蒜腸、蘋果鹽酥雞3樣小食都整得有台灣既味道，最不能錯過的是蘋果鹽酥雞，炸得香脆可口，good good👍👍蛋餅既芝士好香濃，台灣腸就同平時食既差唔多啦，鍾意食既明既。甜品：九份綜合芋圓加仙草估唔到呢間既珍珠咁好咬口，因為我平時唔算話勁中意食珍珠，但今次都算食左幾多，另外加左仙草，加埋d 糖水一齊食，like it🥰