老媽拌麵 (荃灣廣場) (已結業)

今日想食麵,朋友帶我去荃灣廣場既老媽伴麵。 黎到咁地道既台灣舖頭 當然要試試最地道既豆乳香香雞同台灣香腸啦！ 平時係街食既炸雞多數都冇得點醬 ，呢個醬少少似腐乳，又冇腐乳咁咸，幾特別。台灣香腸切到剛剛好，一啖一舊，有果種酒香味，有水準! 到主菜，我同朋友分別叫左川味三寶牛肉麵同紅燒牛肉麵。 我個人就比較貪心，所以揀左三寶。一碗麵有牛根，牛展，牛肚3種不同口感既餸，正呀！朋友點既紅燒牛肉麵都唔差，湯底清得黎好飲。真係好食到成碗麵食晒! 飲品方面我地諗左好耐，因為太多選擇，而且樣樣都好似好好飲。 珍珠奶茶，冬瓜檸檬，仙草茶，洛神花茶通通都想試。到最後揀左老媽黑糖珍珠巧克力，可能對朱古力情有獨鍾，所以一飲就愛上! 呢間餐廳食物水準高，上菜速度都好快，以後食台灣菜又多一個選擇啦～