桃園眷村 (已結業)

今日本身同朋友下午係朗豪坊隔離的酒店出席朋友的結婚派對，完左之後就去左附近的Red.Mr唱K，感覺好青春😅唱完K都只係晚上7點，其實都唔係好肚餓(我真係好細食架)，但諗住都係食少少野早點回家休息。下午係朗豪坊的時候見到food court個層好似轉左d餐廳，去到見《桃園眷村》是新開的，而且佢的選擇都好適合我地，因為都唔係好想食粉麵飯。去到其實都唔係點需要等位，d人都好快食完就有位。而呢度係自助形式，需要排隊購票及自助食物。《桃園眷村》係一間食台灣野的餐廳，主要係食豆漿/豆花，燒餅，餅團同油條。我的選擇:《咸豆漿》$28其實呢個幾好，幾足料，仲落左紫菜，味道係幾夾。店方有用到辣油，個人中意食辣覺得好開胃，但唔食得辣的朋友要注意!《玉米蛋燒餅》$42一拎到係熱辣辣，個面好脆，感覺好似食緊酥皮三文治。香港比較小食到呢種食物，好特別。《肉鬆青瓜飯團》$34飯團其實係粢飯，我一直很喜歡食傳統的粢飯，所以都不其然揀入面有肉鬆的。呢個肉鬆同青瓜味都好出，味道唔錯，亦好飽肚朋友的選擇:《紅茶豆漿》$24《豬排蛋燒餅》$48《熏肉蔥蛋飯糰》$34我地仲叫左條《油條》$16 share食本身油條有個醬的，