老媽拌麵 (荃灣廣場) (已結業)

相信「老媽拌麵」大家一定唔陌生，係台灣好Hit既拌麵牌子，未黎香港之前已經食過，堂食店黎到香港一定要試一試啦：） 因為每款麵都有餸，仲有各種台灣小吃，自己係屋企做唔到呢！今次就試左係荃廣既分店～店鋪都幾大，光猛寬落。依到有拌麵同湯麵選擇，今次同朋友兩個都試，拌麵揀左花雕雞拌麵(幼麵)。花雕雞柳好滑，一啲都唔鞋口，而花雕雞汁係比較稠，但花雕酒味未算非常突出，但都帶淡淡酒香，相對下醬油味會比較突出。所以不好酒的朋友都可以一試呢😊幼麵依舊一樣咁有彈性，煮既時間剛剛好，口感唔會太淋太硬。湯麵就選擇左紅燒半筋半肉牛肉麵🥰係依到既招牌，揀左刀削麵。刀削麵既口感比起幼麵做得更好，麵身咬落有彈力！而牛肉都燜得肉質嫩滑，筋都唔錯：）湯底唔會太濃過咸又帶點惹味，不錯呢！另外試左兩個試食，酥炸甜不辣同滷牛肚。水準正常，一嘗台灣風味！飲品都幾多選擇：）好大杯既熱洛神花茶，暖暖胃！仲有至愛既黑糖珍珠鮮奶，依到既飲品都幾大杯，黑糖味足夠，奶味濃郁，珍珠有咬口，不錯呢😊