老媽拌麵 (THE FOREST) (已結業)

喺旺角行完街，晚餐想食台灣嘢就搵到呢間餐廳。椒麻手撕雞拌麵新口味之選，餐廳提供的關廟麵條有三種: 傳統關廟麵(幼麵)、刀削麵(寬麵)和拉麵，是次係搭配刀削麵好彈牙同有咬勁，手撕雞肉嫩份量足，個人都低估左椒麻嘅麻程度，鍾意享受「麻」呢種感官享受的人必試，真係麻到哇哇聲，重口味鹹香。台式三杯雞(二人份)台菜來說應該都相當受歡迎的料理之一，嫩滑的雞肉煎香過又燜得入味，肉香味濃，加上九層塔同炒蒜嘅調味更有層次鮮美，三杯雞嘅醬汁撈飯一流(珍珠米飯需要另加錢)。澎湖花枝丸食台灣嘢小吃一定唔會缺席，炸到金黃色的花枝丸好有食慾，外香脆內彈牙好有口感，又唔會油膩。凍仙草鮮奶茶奶茶唔會太甜，茶味到位而仙草爽滑。