台灣ET鹽水雞 (符興街) (已結業)

今日三點幾時間，有啲肚餓吾知食咩好，呢排食得太多大型連所店既下午茶食到好悶好冇新意，突然間諗起附近有間鹽水雞店就行去睇下有咩小食食下先。過左去竟然小食店都有做下午茶餐，供應時間係2:00pm-5:00pm，我呢段時間剛剛好可以整返個下午茶嘆下，佢包一半份雞加一份配菜再配個飯或者麵，我就要左西蘭花左配菜，口感超級爽口，個汁就辣辣地，又冇諗過份量幾多，食完攪到我夜一夜先食得落晚餐，攪到比啊媽鬧，哈哈！呢個下午茶餐份量咁多都只係33蚊，最抵既係仲送埋野飲比你，雖然只係送但都一啲都吾hea，支冷泡茶外型已經好吸引，仲要大大支入邊真係茶葉既，勁清新：）