湯•米 (已結業)

其實香港好少地方有咁正宗既一人鍋，唔好以為好貴呀，其實$100都有找，有d$7x已經有交易！今次係行完將軍澳既商場food court發現冇咩特別想食既嘢先決定走岀商場去搵正嘢食，我諗如果唔係因為要行出商場，我應該唔會知道原來仲有咁好食嘅一人鍋！呢度嘅裝修好友台灣嘅感覺，而且都好輕鬆好舒服，枱與枱之間有一定嘅距離，唔使同陌生人一齊迫住坐，我幾滿意！呢度嘅店員服務態度好好，好客氣，就算係繁忙時間都會幫食客既鍋加水，都唔錯㗎！我坐低左見到個餐牌就已經好快嗌咗要酸菜魚鍋，原來一個一人鍋會再跟多個飯/粉，對我嚟講 夠飽㗎！呢度嘅珍珠奶茶我都幾推薦，估唔到係咁大杯，而且質素都幾高，唔會好甜，珍珠都好有咬口，而且個杯真係好靚！打卡一流！~\(≧▽≦)/~酸菜魚鍋嘅份量都幾多，大大嚿魚肉，少骨，啖啖肉！而且都做得幾入味，佢仲有啲配菜，例如:豆腐，粟米，芽菜，有少少蕃薯粉係入面，超正(*/ω＼*)，酸菜魚好開胃，湯底唔油膩！整體來講，配菜多款式，豐富！值得推薦！話說平時食乜乜鍋都會食到成件衫都有味，不過依度竟然冇㗎，證明依度空氣流通，而且抽風系統夠好！