台灣麵 (已結業)

今日同朋友係旺角食lunch ,我地就去左始創中心呢間台灣麵！呢度最特別既係佢地有個雙掛雙格套餐，可以簡兩種唔同既食物，可以試多款又唔驚食唔哂，非常好呢！我就簡左紅燒牛肉麵同滷水雞翼！個湯底非常濃郁同好香，紅燒有點微辣，唔算好辣，我唔係好食到辣都食到！牛肉煮到好軟淋，肉質好嫩滑，吸哂湯汁既味道，麵條煮到剛剛好，有咬口，掛湯都唔錯！滷水雞翼煮到好入味，唔會整係得表面有味，內裡既肉都入哂味，唔會太咸，好惹味！食台灣野當然唔少得水果茶，呢度既水果茶賣相好靚，水果不掩蓋茶味又能提昇水果茶整體口感的水果，唔會過甜，炎炎夏日飲一杯好消暑呢！呢度既食物十分不錯，下次會再黎呢！