綿綿冰甜品屋 (已結業)

一直以黎都以為元朗甜品只係得 B 仔涼粉最出名同好食，點知而家發現左另一間都係好好食既甜品店，仲要係新 B 斜對面 -- 綿綿冰！呢度既冰同出面一般一到既唔同，出面個D刨冰我唔鍾意食，得個凍字，又無乜味~但係呢度個D既質地入口好似食 sorbet 咁，入口好滑，仲要有埋味道，我試過芒果、蜜瓜同草莓味，到目前為止最香口既係蜜瓜。所有冰既底層都有三種自選口味既涼果，好似唔同味既椰果、水果、珍珠等~ 最香係咖啡味~一碗$28，當然無 B 仔涼粉咁平，不過個人覺得好有特色，係香港我都未見過有~ 台灣就叫雪片，不過我覺得呢度比台灣辛發亭既仲好味呢！