龍鳳號 (已結業)

剛從台灣回來，意猶未盡，約朋友食飯也要約食台灣的餐廳！ 朋友就帶我去佢食開既龍鳳號台式餐廳食飯！估唔到晚上7時左右都已經塞滿晒人，我哋剛好唔駛等位就有得坐！ 相信呢間餐廳人氣都幾高！餐牌提供既野食都幾多，由小食到主菜，飯麵甜品都有供應！ 餐牌分類清晰，飯麵在中間，甜品在後頁！餐廳上菜效率都幾快，鹵水拼盤好快就送到，有大腸，鹵水蛋，豬耳，豆腐等組成，份量十足，鹵水都很入味，帶甜唔會太咸，大腸整得軟稔，豬耳幾爽口！朋友叫既祖傳米粉湯，味道有d似小時候食既粉仔！ 乾蒜，香葱，蝦乾味道濃郁，米粉煙韌嫩滑！鹽酥菇，呢個係我今次最喜歡的菜式，相信用上薯粉做外層的炸粉，要讚的是炸得很薄而且保持到菇入面既汁，食落煙韌有咬口，鹽酥味做得適中，唔會太咸，很有台灣夜市的味道！很喜歡食魯肉飯既我，對這個魯肉飯的賣相覺得未太吸引，不過食落就唔錯！ 肥肉瘦肉都有，用上既珍珠米都幾香甜！撈兩下再食唔會咁漏！最後一個小菜係醬燒茄子，台灣通常都淋上很多黑鼓油，呢度就沒有淋太多，茄子燒得乾身，再加上脆口既香葱同乾蒜，一軟一脆口感十足，加上乾蒜既重口味，令成個菜好惹味！除左台灣食物外，呢度最正就係有埋台式甜品，我就叫左個